Kya tera, kya hi mera?

Guroor chaahe ho tera,

Par maafi meri. 

Dill tera, 

par baatien meri. 

Jazbaat ho tere,

lekin zabaan meri.

Khwaab tere,

farmaayishien meri.

Khayaal naye naye se tere,

par puqaar meri.

Lafz itne massom tere,

khair awaaz meri.

Saath chalne ka vaada tera,

haath pakadne ki himmat meri.

Gussa itna tera,

magar naraazgi meri.

Pyaar bass tera,

haan lekin ishq ki shiddat meri.

Shiqaayaton ka vo pitaara tera,

aur naadaan gustaakhi meri.

Itne silsilon ki yaadien aur guftugu teri,

kaafi saalon ki parwah aur tishnagi meri.

Goonjti hui hassi ki awaaz aur vo bass ek jhalak teri,

sharmaane ki vo puraani aadat aur vahi deewangi meri. 

Until next time
love, always
S